Søgan

Søgan um Vága Bjargingarfelag má sigast at byrja á sumri 1974, tá Sverri Nielsen var í summarfrí í Klaksvík, og har tosaði hann við Hans Andrias Johannesen frá Norðoya Bjargingarfelag um møguleikar fyri at stovna eitt bjargingarfelag.

Søgan sigur eisini, at menn frá Norðoya Bjargingarfelag vóru 2 ferð her vesturi, men einki fingu gjørt, tí grind var báðar ferðirnar. Men so tann 6. desembur 1974 eydnaðist at hava ein fund.

6. desembur 1974 samdust niðanfyri nevndu um at stovna eitt bjargingarfelag:

Anton Guttesen, Sørvág
John Magnussen, Sørvág
John Frederiksen, Miðvág
Ivan Johannesen, Miðvág
Jens Erik Nielsen, Sandavág
Sverri Nielsen, Sandavág
Marni av Kák, Sørvág
Jón Joensen, Bøur

Felagið fekk navnið: Vága Bjargingarfelag

14. mars 1975 var fyrsti vanligi aðalfundur í Vága Bjargingarfelag hildin.

Lógaruppskot varð lagt fram, og aftaná gjølliga viðgerð samtykti aðalfundurin  Felagslóg fyri Vága Bjargingarfelag.

Ì nevndina vóru valdir 7 limir, ein úr hvørjari bygd í sýsluni.

Ì nevndina vóru valdir:

Sum grannskoðarar vóru valdir Hans Arne Nielsen, Sandavágur og Jørleif Ole-Jacobsen, Sørvágur.

Hin 22. mars 1975 var fyrsti nevndarfundur hildin, og skipaði nevndin seg soleiðis:

Sverri Nielsen sat sum formaður í VBF til 26. apríl 1989, tá Jón Joensen úr Bø var valdur til formann Hetta kom av tí, at Sverri var valdur til formann í LFB tann 7. mei 1988, og vildi hann hava betri tíð til at røkja hesa uppgávuna.

Tann 17. septembur 1989 andaðist Sverri Nielsen.

Jón Joensen situr sum formaður til 24. septembur 1999, tá tekur Tórhallur Simonsen við, og situr hann til 1. oktobur 2005.

Dánjal Pauli Poulsen tekur við sum formaður 1. oktobur 2005 og situr hann til 31. oktobur 2005.

Tróndur Niclasen tekur við sum formaður frá 1. januar 2006, og 7. mei 2008 tekur Sofía Jacobsen við sum forkvinna.

Vága Bjargingarfelag hevur havt tveir skrivarar:

Marni av Kák frá 06.12.1974 – 31.08.1994
Regin Jespersen frá 31.08.1994

Felagið hevur havt 3 kassameistarar:

Karl Johan Nielsen frá 22.03.1975 – 30.04.1980
Anton Guttesen frá 30.04.1980 – 07.05.2008
Tróndur Niclasen frá 07.05.2008

Grannskoðararnir hava eisini verið trúfastir í felagnum. Jørleif Ole-Jacobsen og Hans Arne Nielsen hava sitið sum grannskoðarar frá tí, at felagið var stovnað tann 06.12.1974 og til aðalfundin 26.03.2009, tá teir bóru seg undan afturvali. Synirnir hjá teimum báðum, Tórhallur Halgaklett og Allan Nielsen, tóku yvir sum grannskoðarar.

Tann 12. novembur 1976 fekk Vága Bjargingarfelag sín fyrsta sjúkrabil, hann var keyptur frá Falck & Zonen í DK. Jørgen Petersen frá Dansk Røde Kors og Ole Falck frá Falck & Zonen komu til Føroyar at handa bilarnar til Vága Bjargingarfelag og Fuglafjarðar Bjargingarfelag.

25. nov. 1976 bleiv bilurin hjá Vága Bjargingarfelag fyrstu fer nýttur til sjúkraflutning frá flogfarinum og til landssjúkrahúsið. John Magnussen koyrdi bilin henda dagin.

16. juli 1985 fekk felagið ein Volvo sjúkrabil.

21. apríl 1989 fekk felagið 35.000,- kr frá Lions Club Vágar til at keypa hjálpitól til sjúkrabilin (defibrillator).

Vága Bjargingarfelag røkti sjúkraflutning til og úr Vágum til 1. oktobur 2005, tá Landssjúkrahúsið tók yvir við fastari vaktarskipan, har 5 fólk blivu sett í starv í Vágum.

Sostatt hevur Vága Bjargingarfelag røkt sjúkraflutning í 29 ár.

Felagið eigur nógva útgerð. Felagið eigur eina rúgvu av børum og teppum, eisini hava vit børusett av nýggjasta slag við plastteppum, GPS, radioútgerð, hjartastartara, rapellingútgerð, o.m.a.

Felagið eigur ein gamlan lastbil, ið keyptur er frá Civilforsvaret, og ein sjúkrabil av slagnum Volkswagen Caravelle Van.

Felagið hevur øll árini arbeitt við at fáa eitt felagshús, men er hetta ikki eydnast enn, men vit vóna tað besta og halda áfram at arbeiða við málinum.

Felagið hevur ígjøgnum hesi árini havt nógvar uppgávur, og hava ikki allar verið so tespiligar, tó so, sólskinssøgur finnast eisini, tíbetur.

 Felagið hevur í dag eina vælvirkandi tilbúgvingarskipan við nógvum góðum fólki, sum altíð eru klár, tá boð eru eftir teimum, nátt sum dag, í góðum sum í ringum veðri, og hetta gera tey av fríum vilja og uttan samsýning. Øll, sum hava hjálpt til á ein og annan hátt øll hesi árini, hava uppiborið stóra tøkk.

Limatalið er 267 í novembur 2011.