1986

14. januar var fundur hildin á Ellis- og Røktarheiminum millum stýri tess og Vága Bjargingarfelag, ið var umboða av Sverra Nielsen, Joensen og Marni.

          Til viðgerðar var: øki til bilskúr til sjúkrabilin.

          Málið varð umrøtt – og víst verður til svarskriv frá Ellisheiminum 15. januar 1986, hareftir Stýrið góðkennir, at felagið fær øki niðanfyri heimið ímóti landsvegnum.

          Ivan Johannesen            Jón Joensen

          Sverri Nielsen                 M. Av Kák

 

12. mars, kl. 20.00, varð nevndarfundur hildin á skúlanum á Giljanesi.

          Møttir vóru: Sverri Nielsen, Jón Joensen, Hans Elmar Poulsen, Ivan Johannesen, Anton Guttesen og Marni av Kák.

          Til viðgerðar var skriv 3. mars 1986 frá formanninum í L.F.B. við boðum um nevndarfund á Hotel Hafnia leygardagin, 15. mars 1986, kl. 10.00.

          Fundarskráin varð umrødd.

          Samtykt varð, at Vága Bjargingarfelag skjýtur upp, at aðalfundur L.F.B.’s

Verður leygardagin 3. mai 1986, her vesturi.

          Formaðurin greiddi frá, at Vága Sjónvarpsfelag er niðurlagt, og at tað er avgjørt, at peningurin, ið hetta felagið átti – umleið 38.000 kr – verður latin Vága Bjargingarfelag til gávis. Av hesum eru komnar umleið 23.000 kr gjøgnum Føroya Banka, restin kemur gjøgnum Sjóvinnubankan.

          Garagumálið var umrøtt. – Samtykt varð at fáa í lag ein nýggjan fund við Stýrið fyri Ellis- og Røktarheimið; hesa ferð við Ivan Johannesen, Anton Guttesen og Hans Elmar Poulsen sum talsmenn fyri felagið.

          Samtykt varð, at felagið installerar telefon hjá formanninum, og at felagið skal gjalda útreiðslurnar og raksturin av henni.

          Samtykt varð at lýsa til ársaðalfundar mikudagin, 2. apríl 1986, kl. 20.00, í Sandavági.

          Ivan Johannesen            Anton Guttesen

          Sverri Nielsen                 M. Av Kák

 

15. mars var umboðsmannafundurin hjá L.F.B., har felagið fekk 2 stk. V.H.F. tól.     

Á sama fundi var samtykt, at L.F.B. hevur ársaðalfund vesturi í Vágum

3. mai 1986.

          Ivan Johannesen            Jón Joensen

          Sverri Nielsen                 M. Av Kák

 

2. apríl, kl. 20.00, varð ársaðalfundur hildin á skúlanum á Giljanesi.

          Fundurin var lógliga lýstur.

          Ivan Johannesen varð valdur at vera orðstýrari.

          22 limir vóru møttir.

          Vegna formannin greiddi Ivan Johannesen frá felagsins virki í farna ári, - suppleraður av M. Av Kák.

          Grannskoðaður roknskapur framlagdur, og varð hann góðkendur.

          Nevndarval: Í ár ganga út limirnir í Gásadali, Sørvági og Sandavági.

          Uppskot varð um at velja teir somu menninar inn aftur. Einki mótuppskot var.

          Hereftir sær nevndin soleiðis út:

Sandavági:	Sverri Nielsen
	Jens Erik Nielsen, tiltaksmaður
Miðvági:	Ivan Johannesen
	John Frederiksen, tiltaksmaður
Vatnsoyrar:	Hans Elmar Poulsen
	Jóannes Klein, tiltaksmaður
Sørvági:	Anton Guttesen
	John Magnussen, tiltaksmaður
Bø:	Jón Joensen
	Elias Petersen, tiltaksmaður
Gásadal:	Dávur Joensen
	Solberg Henriksen, tiltaksmaður
Mykines:	Jógvan Meinhard Johannesen

          Sverri Nielsen og Jóannes Ortind skiftu orð um VHF radiotólini og trupulleikanir við at fáa tey góðkend.

          Orðaskifti var eisini um menn, ið skulu nýta VHF-tólini , eiga at hava sertifikat.

          Fundurin er samdur um, at kunna limir um brúkið av VHF-tólunum.

          Samarbeiði við Vága Floghavn var til umrøðu.

          Jóannes Ortind vil halda, at starvsfólk av Vága Floghavn kann luttaka í eini roynd 3. mai 1986 – í samband við LFB-fundin.

          Jóannes Ortind skjýtur upp, at Vága Bjargingarfelag skorar á – evt. gjøgnum L.F.B., at Vágarnar fáa eina sjálvstøðuga telefonstøð, so at telefonsambandið ikki er so sárbart sum nú. (Sum t.d. tá ein telefonkápul verður kvettur á Velbastað).

          Dagfinn Petersen fyrislær eina vaktarskipan í samband við ambulansuna. Heldur, at tað eiga vera einir 10 – 12 manns í vaktarskipanini. Men hetta fer ivaleyst at kosta pengar, - men hvør skal gjalda?

          Síðan varð ein videofilmur um fyrstuhjálp vístur, og borðreitt var við kaffi og wienerbreyði.

          Fundur lokin kl. 22.50.

          Ivan Johannesen            Jón Joensen

          Anton Guttesen               M. Av Kák

                                      Sverri Nielsen

 

11. apríl, kl. 21.00, varð nevndarfundur hildin heima hjá Sverra Nielsen.

          Møttir vóru: Sverri Nielsen, Ivan Johannesen, Anton Guttesen, Jón Joensen og Marni av Kák.

          Til viðgerðar var skipan av nevnd.

          Semja varð um at skipa nevndina við

Sverri Nielsen sum formann

Ivan Johannesen sum næstformann

Anton Guttesen sum kassameistari.

          Nevndarlimur og tiltakslimur í L.F.B.: Afturvaldir blivu ávikavist Sverri Nielsen og Jón Joensen.

          Aðalfundurin hjá L.F.B. 3. mai 1986 varð umrøddur.

          Samtykt varð at skriva til bygdaráðini um hjálp til at fáa eitt øki til garagu til ambulansuna.

          Fundur lokin kl. 22.45.

Ivan Johannesen            Jón Joensen M. Av Kák

Anton Guttesen               Sverri Nielsen

 

12. november, kl. 21.00, varð nevndarfundur hildin heima hjá Sverra Nielsen.

          Møttir vóru: Sverri Nielsen, Ivan Johannesen, Anton Guttesen, Jón Joensen og Marni av Kák.

          Til viðgerðar var 

1. Uppskot um at Eli Hansen fær endurgjald fyri brúk av egnu telefon í samband við

    Ambulansukoyring.

          Samtykt varð at lata honum 1.000,00 kr árliga, at gjalda yvur ambulansuroknskapin.

2. Fartelefon til ambulansuna.

          Samtykt varð kanna møguleikar, kostnað v.m. viðvíkjandi mobiltelefon ella tílíkt.

3. Samtykt varð at søkja L.F.B. um:

          a. 6 halogen – arbeiðsljós 500 Watt.

          b. 2 berbar VHF av teim smáu (til Gásadals).

Formaðurin sigur frá, at Jógvan á Ørg og Dagfinn Petersen hava verið á ambulansaskeið II á Landssjúkrahúsinum.

Samtykt varð at minna bygdaráðini á brævið, ið varð sent 15. apríl 1986 – sb. samtykt 11. apríl 1986 – um øki til garagu.

Formaðurin reisir spurningin um uppgávur felagsins í samband við eini møguligari flogvanlukku. – Hesin spurningur verður at taka upp saman við politinum.

Fundur lokin kl. 23.20.

Jón Joensen                    I. Johannesen                 M. av Kák

Anton Guttesen               Sverri Nielsen

 

22. juni kl. 18.25  varð leita eftir amerikanskari gentu – LAURA HYMANN – ið saknaðist um Trælanýpu-leiðina. Leitað varð av manning frá Vága Bjargingarfelag og frá sjónum og luftini av. – Gentan var farin uppá tummilfingurin til Havnar í øllum góðum – til Vallaraheimið. Alt avlýst kl. 20.29.

                                                Sverri Nielsen

 

13. desember, ein leygardag, kl. var farin av 16, varð boðsent av politinum í samband við einum ferðsluóhappi úti á Bíggjarvegnum – nærhendis Sandá. Ambulansan fór út.

          Einki ferðsluóhapp var. Følsk fráboðan.

                                                Sverri Nielsen