21. januar
var fundur í samstarvsnevndini.
– Sí fundarfrágreiðing.
Sverri Nielsen
6. februar
var fundur í samstarvsnevndini.
– Sí fundarfrágreiðing.
Sverri Nielsen
6. februar
hendi vanlukka úti á Bakka – á
kaini – í Sørvági. Aftaná at Harry Jacobsen var saknaður um
kvøldið, varð hann kl. 21.35 funnin druknaður beint við
bolverkið út við Flakavirkið. Sjúkrabilurin var komin og menn
frá V. Bj. góvu kunstigan andadrátt, til læknarnir tóku yvir.
Alt til fánýtis. Sí ”døgnrapport” frá løgregluni.
Sverri Nielsen
13. februar,
kl. 21.51, komu boð um ferðsluvanlukku uttan fyri Bø. Løgreglan
og Vága Bjargingarfelag við sjúkrabili fóru á staðið. Men
meldingin var følsk – har var eingin vanlukka og einki
ferðsluóhapp.
Sverri Nielsen
10. mai,
kl. 20.00, varð nevndarfundur hildin á sýsluskrivstovuni
í Sørvági.
Møttir vóru: Sverri Nielsen, Anton
Guttesen, Jón Joensen, Ivan Johannesen og Marni av Kák.
Formaðurin umrøddi fundin við
løgmann og sjúkrahússtjóran um eina 1½ ára gamla ambulansu til
felagið fyri ein symbolskan prís.
Síðan varð farið á flogvøllin, har
tað saman við Jóannes Ortind var hugt eftir tí gomlu garaguni,
ið tað stendur felagnum í boði at taka niður og byggja uppaftur
aðrasteðs. – Nevndin samdist um at biðja Hera Jensen um at gera
metingar um tað lønar seg.
Nevndin samtykti at biðja
bygdaráðsformann Martin Nielsen taka spurningin um garagu til
ambulansuna í læknamiðstøðini í Miðvági.
Samtykt varð at hava ársaðalfund í
skúlanum í Bø hósdagin, 30. mai 1985, kl. 19.00.
Umrøtt varð eisini møgulig skeið
fyri limir felagsins.
M. av Kák
Sverri Nielsen
30. mai,
kl. 19.30, varð ársaðalfundur settur í skúlanum í Bø.
Fundurin er lógliga lýstur.
Tað møttu bert 7 limir, harav 2 nevndarlimir.
Kassameistarin var ikki, og
eingin var sostatt at leggja roknskapin fram.
Fundurin samtykti at útseta
aðalfundin.
Jón Joensen
M. Av Kák
Sverri Nielsen
26. juni,
kl. 21.30, varð nevndarfundur hildin hjá Sverra Nielsen.
Møttir eru: Sverri Nielsen, Ivan
Johannesen, Anton Guttesen og Jón Joensen, og Marni av Kák.
Til viðgerðar var skriv, dagf. 21.
juni 1985, frá Landssjúkrahúsinum um yvirtøku av einum
sjúkrabili – tann elsta.
Samtykt varð – vísandi til avtaluna
12. oktober 1984 millum Føroya Landsstýri (løgmann),
sjúkrahússtjóran og Vága Bjargingarfelag – ikki at góðtaka eina
yvirtøku av einum 7 ára gomlum sjúkrabili.
Nevndin skal hava fund við
sjúkrahússtjóran 5. juli 1985 í Miðvági og vil tá taka málið
upp.
Samtykt varð at gera bygdaráðini
kunnug við málið og biðja bygdaráðsformenninar við á nevnda
fund.
Jón Joensen
M. Av Kák
Anton Guttesen
Sverri Nielsen
Ivan Johannesen
5. juli,
varð fundur hildin á
heilsumiðstøðini í Miðvági.
Til viðgerðar var málið um ambulansu
frá Landssjúkrahúsinum.
Møtt vóru: J. A. Sørensen, sjúkrahússtjóri, saman við Jógvan Elias
Thomsen og 2 portørum.
Elisabeth Thorsteinsson og Georg
Egholm, kommunulæknar.
Julianna Petersen, fyristøðukvinna,
og Rannvá Magnussen
frá Ellis – og røktarheiminum.
Bygdaráðsformenninir Eyðin Thomassen,
Elias Petersen og
Martin Nielsen og bygdaráðslimurin
Jógvan Sjúrður Hansen.
Fyri Vága Bjargingarfelag møttu:
Sverri Nielsen, Ivan
Johannesen, Jón Joensen og Marni av
Kák.
Samráðst varð aftur og fram um at
fáa okkum ein nýggjan sjúkrabil. Úrslitið varð, at vit fáa eina
umleið 2 ára gamla Volvo ambulansu fyri ein symbolskan prís, sum
vit vildu halda – sum gamalt er – 1 – ein – króna.
Harumframt varð orðaskifti um eina
avtalu millum sjúkrahúsverkið og okkum um skipanina av
koyringini.
Ivan Johannesen
Jón Joensen
Sverri Nielsen
M. Av Kák
Í skrivi 14. juli
frá sjúkrahússtjóranum verður
váttað, at Vága Bjargingarfelag fær eina 2½ ára gamlan sjúkrabil
frá landssjúkrahúsinum fyri 1 kr.
Í sama skrivi er góðkend avtala
viðvíkjandi sjúklingafluttning til og úr Vágum.
Sverri Nielsen
16. juli
kemur Volvo sjúkrabilurin.
Sverri Nielsen
27. august,
kl. 21.00, varð nevndarfundur hildin heima hjá
formanninum.
Møttir vóru: Sverri Nielsen, Ivan
Johannesen, Jón Joensen, Anton Guttesen, Elmar Poulsen og Marni
av Kák.
Til viðgerðar var frammanfyri nevnda
skriv, dagf. 14. juli 1985, frá sjúkrahússtjóranum um
sjúkrabilin og avtala millum Landssjúkrahúsið og Vága
Bjargingarfelag viðvíkjandi fluttning av sjúklingum til og frá
Vágum.
Umframt at gjalda 1 kr. fyri
sjúkrabilin er treytin tann, at hóskandi bilhús verður
innrættað.
Samtykt varð, at formaðurin og
næstformaðurin sum skjótast royna at loysa garaguspurningin.
Samtykt varð at selja gamla bilin
best møguligt.
Samtykt varð at senda
sjúkrahússtjóranum eitt takkarskriv fyri vælvild ímóti fólkinum
í Vágum og Vága Bjargingarfelag. Kassameistarin verður at flyta
1 kr. til sjúkrahússtjóran.
Endiliga samtykti fundurin at
góðkenna avtaluna um fluttning av sjúklingum, soleiðis at
formaðurin undirskrivar felagsins vegna.
Formaðurin orienteraði um
nevndarfundin í L.F.B. í Havn 24. august 1985, har Arnbjørn
Olsen varð valdur formaður, Sverri Nielsen, formaður
(næstformaður ?), Egil Simonsen,
skrivari, og Andras Vinther, kassameistari.
Ivan Johannesen
Jón Joensen
Anton Guttesen
Sverri Nielsen
M. Av Kák
1. november,
kl, 20.30, varð nevndarfundur heima hjá formanninum.
Møttir vóru: Sverri Nielsen, Ivan
Johannesen, Anton Guttesen, Jón Joensen og Marni av Kák.
Formaðurin greiddi frá, at
nevndarfundur verður í L.F.B. í morgin (2. november), og at hann
skuldi hava ein ynskiseðil við frá Vága Bjargingarfelag.
Samtykt varð at bera fram ynski um
fylgjandi amboð:
30 battaríir Hellesens typa 754 4,5
watt
Ivan Johannesen
Jón Joensen
Anton Guttesen
Sverri Nielsen
M. Av Kák
6. desember
var formaðurin við maka boðin at
luttaka í einum hátíðarhaldi á Hotel Vágum í samband við at tað
var 25 ár síðan Føroya Banki setti á stovn deildir í Sandavági
og Sørvági.
Undir hátíðarhaldinum handaði bankin
við Jóan Jakku Thomsen, stjóra, Vága Bjargingarfelag eina gávu
uppá 25.000,00 kr.
Sverri Nielsen
M. Av Kák
18. desember,
kl. 20.00, varð nevndarfundur hildin á skúlanum á
Giljanesi.
Møttir vóru: Sverri Nielsen, Anton
Guttesen, Ivan Johannesen og Marni av Kák.
Sverri upplýsti um gávuna frá Føroya
Banka, og samtykt varð at senda bankanum eitt takkarskriv og 3
innrammaði búmerkir L.F.B.’s við silvurplátum á.
Marni bar uppá mál, um vit skulu
stovna ein ”takkargrunn”. Samdust um at Marni arbeiðir víðari
við spurningin. (Hugsi um dreingin Tony Olsen’sa bragd, tá hann
sløkti eldin á einum øðrum dreingi).
Garaguspurningurin var umrøddur.
Væntuliga verður ein fundur við stýrið fyri Ellis- og
Røktarheimið um grundøki millum jól og nýggjár.
Sverri Nielsen M. Av Kák |