07. februar,
kl. 17.15, varð nevndarfundur hildin á sýsluskrivstovuni
í Sørvági.
Møttir vóru Sverri Nielsen, Jón
Joensen, Anton Guttesen, Ivan Johannesen, Elmar Poulsen og Marni
av Kák.
Sverri Nielsen legði fyri við
uppskoti um, at kannað verður møguleikin fyri at fáa eina nýggja
ambulansu.
Nevndin samtykti, at ein nýggj
ambulansa verður framvegað.
Samtykt varð at velja ein
arbeiðsbólk – Sverri Nielsen, Jón Joensen og Elmar Poulsen – at
arbeiða víðari við málinum.
-
Samtykt varð, at felagið nú vendir
sær til Miðvágs kommunu við áheitan um at fáa høli til
ambulansuna í læknamiðstøðini.
-
Samtykt varð at ársaðalfundurin
verður hildin hóskvøldið, 26. apríl 1984, kl. 19.00, á
Ellisheiminum.
I. Johannesen
Hans E. Poulsen
Anton Guttesen
Jón Joensen
Sverri Nielsen
M. av Kák
23. – 24.02:
Bjargingartiltakið í Gásadali –
sí næstu síðu.
17. mai,
kl. 20.00, varð ársaðalfundur hildin á Ellis – og
røktarheiminum í Miðvági.
Til fundarstjóra varð Ivan
Johannesen valdur.
Fundarstjórin váttaði, at fundurin
er lógliga lýstur.
Formaðurin, Sverri Nielsen, greiddi
frá felagsins virki farna árið.
Serliga umrøddu menn
bjargingartiltakið í Gásadali 23. – 24.02.1984, og var tað
fylgjandi, ið hendi:
Úr Gásadali fekk formaðurin boð um,
at Dávur Joensen, Gásadali, á veg úr Víkum til Gásadals varð
slongdur um koll av eini hvirlu og hevði brotið beinið. Hetta
var um 16-tíðina, sum form. fekk boðini um 18.20-tíðina, við tað
at Hjallgrím Petersen, ið var saman við Dáva, var komin til
Gásadals at boða frá. Nógvur vindur, regn og mjørki.
Umleið kl. 20 fóru 9 manns og kl.
20.30 6 manns úr Bø til Gásadals, hagani teir við børu, teppum
og folioteppum, politiradio fóru til vanlukkustaðið. Ímeðan var
form. í politibilinum; men radiosambandið var sera vánaligt fyri
ikki at siga einki. Bjargingarmenninir bóru Dáva frá Lambagjógv
til Gásadals, tí so nógvar kavafannir vóru, at umstøður vóru
ikki at ganga í myrkrinum til Bíggjar. Kl. 0100 komu
bjargingarmenninir til Gásadals við Dáva.
Líkindini vóru av teim allar
ringastu, og tað vísti seg at vera heppið, at flest allir
menninir vóru meinkunnigir/staðkendir har um leiðir.
Ambulansan hjá V. Bj. var eisini úti
í Bø, men hon kom ikki í brúk, tí Dávur fór við helikoptara til
Havnar morgunin eftir.
Formaðurin upplýsti, at spurningurin
um nýggja ambulansu ikki er avgreitt enn, men arbeitt verður við
málinum.
Roknskapurin varð lagdur fram,
eisini ambulansuroknskapurin.
Upplýst er, at ambulansan koyrdi 132
túrar í 1983. – Samkoyringarnar við ambulansurnar úr Havn ganga
væl.
Báðir roknskapirnir góðkendir tó við
teirri viðmerkjing, at ambulansuroknskapurin skal lýsast betur.
Nevndarval: Bø og Mykines ganga út í
ár.
Fundurin valdi einmælt teir somu
aftur.
Hereftir sita í nevndini:
Grannskoðararnir Jørleif Ole-Jacobsen og Hans Arne Nielsen.
Finnbogi Niclasen bjóðar V. Bj.
samarbeiði og bjóðar undirvísing, høli o.a.m. – Hetta m.a., at
tað í næstu framtíð verður flogið við flogførum ið taka 148
ferðafólk. Sverri Nielsen og Ivan Johannesen og allir við honum
ganga inn fyri samarbeiði.
Sverri Nielsen greiddi frá VHF
málinum. Tað varð álagt nevndini at greiða hendan spurningin.
Samtykt varð at velja Kára
Thorsteinsson, Finnboga Niclasen og Sveinbjørn Mouritsen at
stíla fyri tiltøkum í samb. við, at Vága Bjargingarfelag verður
10 ár 6. desember 1984.
Heitt varð á nevndina um at framvega
høli til at goyma greiðirnar í, ið nú liggja heima hjá Ivan
Johannesen.
Aðalfundurin samtykti at seta
limagjaldið til 50 kr. fyri árið.
Fundurin lokin kl. 23.00. M. av Kák, skr.
Fundarstjóri
Ivan Johannesen
Sverri Nielsen
24. mai
var ársaðalfundur í L.F.B. í
Fuglafirði. Fyri Vága Bjargingarfelag møtti formaðurin Sverri
Nielsen. – Víst verður til fundarfrágreiðingina frá L.F.B.
Sverri Nielsen
3. august
sendi Vága Bjargingarfelag
Føroya Landsstýri skriv við bøn um stuðul til keyp av nýggjari
ambulansu. Sí skrivið.
Sverri Nielsen
20. september
var fundur í samstarvsnevndini
við umboðum frá sløkkiliðinum í Sandavági, Miðvági, Sørvági og
flogvøllinum, løgregluni og flogvallaovastin. - Sí
fundarfrágreiðing.
Sverri Nielsen
12.
oktober 1984
var fundur ímillum Landsstýrið, Sjúkrahúsverkið og Vága
Bjargingarfelag um sjúkrabilin í Vágum. Umboðini vóru ávíkavist:
Pauli Ellefsen, løgmaður, John Arne Sørensen, sjúkrahússtjóri,
Sverri Nielsen og Ivan Johannesen.
- Sí fundarfrágreiðing.
23. november,
kl. 21.00, varð nevndarfundur hildin heima hjá
nevndarformanninum.
Møttir vóru: Ivan Johannesen, Hans
Elmar Poulsen, Anton Guttesen, Sverri Nielsen og Jón Joensen.
Nevndin skipaði seg við Sverra sum
formann, Ivan sum næstformann og Anton sum kassameistari.
Málið um nýggjan sjúkrabil varð
umrøtt vísandi til fundarfrágreiðingina um fundin í
Landsstýrinum 12. oktober 1984.
Eisini varð tosað um at halda
hugnakvøld saman við limum felagsins, nú felagið fyllir 10 ár.
Ivan og Sverri skulu í morgin tosa meira við nevndina, sum vald
varð á seinasta fundi, um hvussu og hvar henda hugnaløtan skal
vera.
Sverri Nielsen
26. november
varð fundur í Ítróttarhøllini á
Giljanesi har Sverri Nielsen, Ivan Johannesen fyri Vága
Bjargingarfelag, Finnbogi Niclasen, Jóannes Ortind og Sveinbjørn
Mouritsen fyri flogvøllin og Jens Hansen fyri løgregluna, har
fyrireikingarnar til eina bjargingarroynd og hugnakvøld
leygardagin 8. december 1984 fyri limum felagsins í samband við,
at felagið 6. december 1984 verður 10 ára gamalt. – Sí
fundarfrágreiðing.
Sverri Nielsen
8. desember.
Sum áður nevnt varð 10-áradagur felagsins hildin við eini
bjargingarroynd og hugnaløtu fyri felagslimir.
Bjargingarroyndin byrjaði kl. 13.00
á flúgvarabedingini, har nógv av amboðum felagsins vóru í brúk;
so sum sjúkrabilurin, báturin, bjargingarstólurin við
rakettútskjóting o.a.m. – Harumframt luttók løgreglan við
trafikregulering, bjargingarstøð í politibili v.m. – Somuleiðis
luttók bjargingarfólkið frá flogvøllinum við stórum tjaldi v.m.
–
Bjargingarroyndin, ið var væleydnað,
endaði við eldsløkking, ið sløkkiliðini á flogvøllinum og
Sandavági, Miðvági og Sørvági vístu.
Tað var væl av fólki og hugdu at
øllum tí, ið fór fram á flúgvarabedingini.
Kl. 19.00 byrjaði hugnaløtan í
kafeteria í terminalinum. Eini 100 fólk vóru komin saman. Har
var borðreitt við kaffi, te og nógvum, góðum kakum.
Fleiri nýttu høvi til at bera
felagnum góð orð og ynskir framyvir. Sverri Nielsen |