1981

6. februar, kl. 21.00, varð nevndarfundur hjá Sverra Nielsen.

         Møttir vóru annars Jón Joensen, Anton Guttesen, Elmar Poulsen, Marni av Kák og Ivan J.

         Ambulansu-málið varð umrøtt, ítí uppskot til samstarvsavtalu við landssjúkrahúsið er komið frá landssjúkrahúsinum. – Málið varð útsett til ein seinni fund.

         Jón Joensen bar uppá mál at kanna møguleikan fyri, at Vága Bjargingarfelag roynir at fáa hendur á ein av teim helikoptaranum, ið danska marinan í hesum árið fer at skifta út.

         Samtykt varð sum skjótast at skriva til marinustøðina við áheitan um eina orienterandi samráðing um málið.    

                                    Marni av Kák

Anton Guttesen                                  Ivan Johannesen

Hans E. Poulsen                                Jón Joensen

                                 Sverri Nielsen

 

17. mai, kl. 16.00, varð nevndarfundur hildin hjá Sverra Nielsen.

          Møttir vóru: Sverri Nielsen, Ivan Johannesen, Jón Joensen, Anton Guttesen, Elmar Poulsen og Marni av Kák.

          Formaðurin upplýsti, at L.F.B. hevur boðað til aðalfundar í Havn leygardagin, 30. mai 1981, kl. 14.00 (á Hotel Føroyar).

          Nevndin samtykti at lýsa til aðalfund í Miðvági, mikudagin, 27. mai 1981, kl. 20.00.

          Samtykt varð, at limagjaldið verður óbroytt 30 kr., og at innkrevjingargjaldið verður 3 kr. pr. lim.

I. Johannesen                 Jón Joensen          Hans E. Poulsen

Anton Guttesen               M. Av Kák             Sverri Nielsen

 

27. mai, kl. 20.00, varð ársaðalfundurin settur á Ellis – og Røktarheiminum í Miðvági.

          Fundurin var lógliga lýstur í Dimmalætting og Útvarp Føroya.

          Formaðurin, Sverri Nielsen, bjóðaði vælkomin og greiddi frá felagsins virki í farna ári.

          Kassameistarin legði roknskapin frammviðvíkjandi luftkompressaran, ið Vága Froskmannafelag hevur í hond.

          Somuleiðis var ambulansuroknskapurin frammlagdur.

          Endaliga varð roknskapurin hjá sjálvum felagnum upplisin.

          Úr nevndini fóru nevndarlimirnir fyri Miðvág og Vatnsoyrar.

          Uppskot til valevni: Ivan Johannesen, John Frederiksen og Johannes Jacobsen fyri Miðvág.

          Fyri Vatnsoyrar: sum nevndarkimur Elmar Poulsen og tiltakslimur Jóannes Klein. Hesir eru sostatt valdir uttan atkvøðugreiðslu.

          Fyri Miðvág sá atkvøðugreiðslan soleiðis út:

          Ivan Johannesen             13 atkvøður
          John Frederiksen            12       -
          Johannes Jacobsen          5       -

Grannskoðarnir Hans Arni Nielsen og Jørleif Ole-Jacobsen afturvaldir uttan atkvøðugreiðslu.

          Ivan Johannesen greiddi frá ymiskum viðurskiftum hjá felagnum og L.F.B.

          Síðan varð filmur um myrkakoyring vístur.

          30 limir vóru á fundi.

          Eli Hansen spurdi, um limaskapur í Vága Bjargingarfelag gevur atgongd til bíligar charterflogfarabilettir til Danmark.

          Hetta kannar formaðurin.

          Aðalfundurin lokin.

Hans E. Poulsen            Anton Guttesen

I. Johannesen                 Sverri Nielsen

Jón Joensen          M. Av Kák

 

27. mai, beint aftaná aðalfundin valdi nevndin Sverra Nielsen at vera nevndarlim í L.F.B. – nevndina og Ivan Johannesen sum tiltaksmann.

 

17.08 fór m/s VESTURBÚGVIN á land á Vágoynni yvir av Kvívík. Hon slapp av sjálv og avlýst.

 

19. november, kl. 2100, var nevndarfundur heima hjá Sverra Nielsen.

          Møttir vóru: Sverri Nielsen, Ivan Johannesen, Anton Guttesen, Jón Joensen og Marni av Kák.

          Nevndin skipaði seg soleiðis: 

          Formaður             Sverri Nielsen
          Næstformaður      Ivan Johannesen
          Kassameistari       Anton Guttesen

Sverri orienteraði um L.F.B. – fundin, ið verða skal í Havn leygardagin 21. november 1981.

          Tosað varð eisini um eitt høli til ambulansuna, og at Jógvan á Ørg og Dánial Eli Hansen skulu á ambulansuskeið.

                                                M. av Kák  

                                                Sverri Nielsen