17. januar,
kl. 20.00, varð nevndarfundur hildin í Sørvági.
Møttir vóru: Sverri Nielsen, Ivan
Johannesen, Karl Johan Nielsen, Jón Joensen og Marni av Kák.
Til viðgerðar var bræv frá Norðoya
Bjargingarfelag dagsett 13. januar 1979, har teir krevja
bjargingargreiðirnar aftur ella 13.500 kr.
Tað varð samtykt at senda Norðoya
Bjargingarfelag eitt soljóðandi bræv:
”Vit takka fyri brævið frá 13.
januar 1979.
Á nevndarfundi 17. januar 1979 hava
vit viðgjørt áheitan tykkara um at fáa bjargingartól aftur ella
fáa pening fyri tey.
Tað var samtykt at svara so:
Vága Bjargingarfelag varð stovnað 6.
desember 1974.
16. januar 1975 vóru 2 umboð frá
Norðoya Bjargingarfelag og handaðu Vága Bjargingarfelag ymisk
bjargingartól, meðan 5 limir vóru tilstaðar.
Tað skal viðmerkjast, at 2 ferðir
frammanundan hetta vóru umboð frá Norðoya Bjargingarfelag og
heittu á menn her vesturi um at stovna eitt felag. Og tað
frammgekk týðuliga, at Norðoya Bjargingarfelag vildi stuðla
nýggja felagið við at geva tí ymsa útgerð.
Skuldi tað veri so galið, at vit
hava misskilt alt, og at gávan ikki er ogn okkara, vænta vit at
frætta frá tykkum aftur. Tá skuldi tær 13.500 kr. helst vera
spesifiseraðar; so fara vit at viðgera málið á einum øðrum
nevndarfundi. Vinarlig Heilsan.
Jón Joensen
M. Av Kák
Sverri Nielsen
28. februar,
kl. 21.00, varð nevndarfundur hildin hjá formanninum í
Sandavági.
Møttir vóru: Sverri Nielsen, Ivan
Johannesen, John Magnussen, Jón Joensen og Marni av Kák.
Formaðurin orienteraði um eina
demonstratión av einum ”bil-skutuli”, sum skal demonstrerast
fyri L.F.B. í Kollafirði leygardagin 3. mars 1979, kl. 14.30.
Samdir um at fara so væl mannaðir
sum møguligt avstað.
Formaðurin vísti eina flótidrakt.
Samtykt varð at keypa 4 eintøk – í tveimum ymsum støddum.
Fundurin var somuleiðis samdur um at
hava eina pappírvenjing viðvíkjandi eini bussvanlukku. Hetta er
ásett at vera á Ellisheiminum leygardagin, 17. mars 1979, kl.
14.00. – Av luttakarum verða 8 manns úr hvørjum av teim størru
bygdunum og 4 manns úr teim smærru. Harútyvir verða boðin við
umboð frá L.F.B., landfútanum, P/F Bil Vága, Ellisheimið,
kommunulæknin og frá flogvøllinum.
At enda varð tosað um at hava
ársaðalfund fríggjadagin, hin 30.03.1979 í Sørvági.
Jón Joensen
M. Av Kák
Sverri Nielsen
17. mars
fór framm á Ellisheiminum ein
pappírs-venjing undir heitinum ”Ein bussvanlukka”.
Uppgávan var at finna framm til hvat
gerast skuldi í samband við, at bussur var farin útav á
Oyragjáarvegnum.
Teir gott 30 limir úr øllum bygdunum
vóru býttir í bólkar. Sum gestir luttóku formaðurin í L.F.B.
Rólant Patursson og skrivarin Øssur av Steinum, umframt Suni
Vinther, politistur.
M. av Kák
Sverri Nielsen
30. mars,
kl. 20.00, varð aðalfundur hildin í Sørvágs skúla.
Møttir vóru 15 limir.
Ivan Johannesen beyð vælkomin og bar
heilsu frá Marni av Kák, ið er sjúkur.
Formaðurin, Sverri Nielsen, greiddi
frá arbeiði felagsins í farna ári.
Kassameistarin legði framm
rakstrarroknskapin fyri farna árið, ið javnvigar við 23.009,26
kr. – Roknskapurin fyri ambulansuna vísti eitt rakstraravlop
uppá 10.928,75 kr.
Roknskapirnir góðkendir.
Samlaða limatalið er nú 277 persónar
og eitt felag.
Tosað varð um
sjúkrafluttningsviðurskifti, samsýningar og tílíkt. Upplýst
varð, at nú er radiotelefon í ambulansuni.
Hereftir fór nevndarval av tveimum, sum gingu út.
Jón Joensen varð afturvaldur, og
fyri Eddy Lauritsen varð fyri Mykines valdur Jógvan Meinhard
Johannesen.
Grannskoðararnir blivu báðir
afturvaldir.
Ein nylon
flótidrakt bleiv víst framm og umrødd.
Fundurin endaði við, at ein
myndaseria úr Íslandi, S.V.F.Í., og ein filmur ”Se rigtigt” –
norskur – blivu víst.
Fundarskrivari: Osmund Joensen
Sverri Nielsen
1. apríl,
kl. 04.15, varð boðsent eftir hjálp gjøgnum politiið, ítí
ein bilvanlukka var hend við smiðjuna hjá J. K. Joensen & Soni í
Miðvági. Útrykningur við 4 monnum, ambulansuni og einum
privatbili.
Komu á vanlukkustaðið kl. 04.27, har
2 manns vóru fastkleimdir í persónbili, ið hevði
rent
inn í
ein parkeraðan lastbil. Báðir deyðir; ein triði løstaður. Koyrdu
allar 3 á landssjúkrahúsið.
Sverri Nielsen
22. mai,
kl. 21.00, varð nevndarfundur hildin hjá Sverri Nielsen.
Møttir vóru: Sverri Nielsen, Ivan
Johannesen, Karl Johan Nielsen og Jón Joensen.
Nevndin skipaði seg við Sverri
Nielsen sum formanni, næstformaður Ivan Johannesen og
kassameistari Karl Johan Nielsen.
Limur í L.F.B. Ivan Johannesen við
Karl Johan Nielsen sum tiltaksmann.
Ivan Johannesen lovaði fyribils at
hýsa útgerð felagsins, og skal hetta verða ókeypis.
Sverri Nielsen
26. mai
helt L.F.B. aðalfund heima á
Sandi.
Fyri Vága Bjargingarfelag møttu
Sverri Nielsen og Ivan Johannesen.
Á hesum fundi gjørdust 1.
Bjargingarfelagið fyri Sandoyar Sýslu 2. Suðuroyar
Norðara Bjargingarfelag og 3.
Suðuroyar Sunnara Bjargingarfelag limir í L.F.B.
Sí annars fundarfrásøgn.
Sverri Nielsen
10. September,
kl. 20.00, varð nevndarfundur hildin hjá Sverri Nielsen.
Møttir vóru: Sverri Nielsen, Ivan
Johannesen, Karl Johan Nielsen, Jón Joensen og Marni av Kák.
Samtykt varð:
1.
at
formaðurin tosar við fyristøðukvinnuna á Ellisheimið um at geva
Eli Hansen og Jógvan á Ørg farloyvi/frí til at fara á
ambulansuskeið í vetur.
2.
at Vága
Bjargingarfelag á nevndarfundi hjá L.F.B. í Kollafirði 16.
september 1979 skal velja Páll Klein til L.F.B. – formann.
3.
at søkja
um at leiga ta gomlu garaguna við flogvøllin til at goyma
greiður felagsins í.
4.
at taka
uppaftur pappírsvenjingina ”Ein bussvanlukka” skjótast gjørligt.
5.
at
formaðurin skjótast gjørligt fær samarittarskeið byrja. Annars varð
tosað um skriv frá Strandferðsluni um nýtsluna av ”SAM” í úrtíð.
Samtykt at senda svar. L.F.B. –
aðalfundurin varð umrøddur. Formaðurin
upplýsti, at Landssjúkrahúsið hevur boðað til fundar í Havn 12. september
1979 um ambulansukoyringina. Hann og Ivan Johannesen fara á
fundin.
Eisini varð talað um
helikoptaratænastu á føroyskum hondum. Marni av Kák vil kanna,
hvørjir møguleikar kunnu hugsast at vera.
Jón Joensen
M. Av Kák
Sverri Nielsen
12. september
vóru Sverri Nielsen og Ivan
Johannesen í Havn til fundar á Landssjúkrahúsinum saman við
sjúkrahússtjóranum, umsjónarmanninum (Højgaard) og 2
yvirportørum.
Umboð fyri Kollafjarðar
Bjargingarfelag og Eysturoyar Eystara Bjargingarfelag vóru
eisini við.
Fyri L.F.B. møtti formaðurin Páll
Klein.
Samskipan av ambulansukoyringini
o.a.t. varð umrøtt.
Sverri Nielsen
4. november,
kl. 04.30, hendi bilóhapp í Sandavági, við tað at ein
bilur við 4 persónum rendi inn í húsini hjá Heina Nielsen.
Vága Bjargingarfelag, sum var
boðsent, møtti við 2 monnum og ambulansu og koyrdi ein løstaðan
mann ávegis til Havnar.
Sverri Nielsen |