28. mars, kl. 20.00, var nevndarfundur hjá Sverra Nielsen.

          Møttir vóru: Sverri Nielsen, Ivan Johannesen, Karl Johan Nielsen, John Magnussen og Marni av Kák.

Samtykt varð at aðalfundurin skal verða á Giljanesi 15. apríl 1978, kl. 20.00.

K. J. Nielsen                   Sverri Nielsen

10. apríl endaði grundskeið í fyrstuhjálp, sum Osmund Joensen var instruktørur fyri. Skeiði varð hildið í skúlanum í Sørvági, og luttakararnir vóru hesir:

                                                M. av Kák

                                                Sverri Nielsen

15. apríl, kl. 20.00, varð ársaðalfundur hildin í skúlanum á Giljanesi.

          Gott 20 limir vóru møttir.

          Formaðurin Sverri Nielsen bjóðaði vælkomin og greiddi frá, at aðalfundurin ikki varð hildin fyrr vegna sjúku v.m.

          Skrivarin Marni av Kák gav frágreiðing um felagsins virki í farna ári.

          Kassameistarin legði fram grannskoðaðan roknskap, ið varð góðkendur.

          Við lutakasti fóru Karl Johan Nielsen og Ivan Johannesen úr nevndini; men teir vórðu báðir einmælt afturvaldir.

          Hans Arni Nielsen og Jørleif Ole-Jacobsen  afturvaldir grannskoðarar.

          Karl Johan Nielsen setti fram uppskot um, at síðsta petti í lógarinnar § 4 verður strokið, og Marni av Kák skjeyt upp, at § 5, stk. 2, 2. pkt. Verður formulerað: ”Framløga av a jour førdum roknskapi”.

          Bæði broytingaruppskotini vórðu einmælt samtykt.

          Fundurin bleiv orienteraður um radiomálið.

          Witt skjeyt upp, at Bjargingarfelagið letur samarittar við børum o.t. til fótbóltdystir.

          Harumframt blivu fyrstuhjálparskeið – uppfrískingarskeið – umrøtt.

          At enda blivu filmirnir um Reyða Kross arbeiði og um fyrstuhjálp vístir.

                                                M. av Kák

                                                Sverri Nielsen

10. mai, kl. 21.00, varð nevndarfundur hildin heima hjá Sverra Nielsen.

          Møttir vóru: Sverri Nielsen, Ivan Johannesen, Karl Johan Nielsen, Jón Joensen og Marni av Kák.

          Nevndin skipaði seg soleiðis:

          Formaður:            Sverri Nielsen

          Næstformaður:     Ivan Johannesen

          Kassameistari:      Karl Johan Nielsen

          Umboð í L.F.B.:   Ivan Johannesen

          Umboð í L.F.B. tiltaksmaður:           Karl Johan Nielsen

Kassameistarin handaði Ivan Johannesen felagsins roknskap fyri seinasta ár.

          Uppskotið frá Witt á aðalfundinum um at felagið hevur ambulansu og samarittar við ítróttarvøllin, tá dystir fara fram, varð viðgjørt. Samtykt varð at biðja formannin avgreiða hetta mál, harundir at viðkomandi samarittar fáa fríbilettir til avvarðandi kappingar/dystir.

          Spurningurin um byggiøki var leysliga umtalaður, útsettur til annan fund.

Jón Joensen          M. Av Kák

Karl Jóhan Nielsen

Ivan Johannesen             Sverri Nielsen

11. mai endaði grundskeið í fyrstuhjálp, sum Osmund Joensen var instruktørur fyri. Skeiði var hildið í skúlanum á Giljanesi, og luttakararnir vóru hesir:

                                                M. av Kák

                                                Sverri Nielsen

27. mai, kl. 14.00,  var aðalfundur í L.F.B. hildin í E.B.-húsinum á Eiði.